2012年5月5日蘋果：隔牆有耳：「一人一相」保本部大樓

報道連結

港大地標本部大樓陸祐堂，係好多人集體回憶，八方都有份，校方建議改做行政用途，學生要去其他地方上堂，港大學生會發起「一人一相」保留本部大樓作教學用 途活動，呼籲所有港大人拍下本部大樓照片，分享到 Facebook（ https://www.facebook.com/events/307073732701536/），仲可以簡單說明寫低自己嘅 Main Building故事，最好有埋姓名、學系、年級或畢業年份。

學生會又要求校方諮詢學生團體，認真考慮學生意見，俾所有港大人都可以參與規劃本部大樓日後用途，仲要公佈未來發展時間表同相關資訊。最後一場本部大樓用途諮詢論壇，於今日上午10時喺本部大樓畢業生議會廳舉行，學生、校友都可以出席。